Ravindra Ambekar

ठो ठो वाल्यांचा पराभव दाभोलकर- पानसरेंच्या हत्येनंतरही हिंदुत्ववाद्यांसमोरील आव्हानं संपलेली नाहीत. या दोघांच्या खुन्यांपर्यंत पोलिस पोहोचलेले नाहीत , नजीकच्या काळात पोहोचू शकतील अशी शक्यताही कमीच आहे. मधल्या काळातल्या सत्तांतराबरोबरच अच्छे दिन येतील असं वाटणाऱ्या हिंदुत्ववाद्यांना दररोज कुणी ना कुणी टक्कर द्यायला उभा ठाकतोय. कालपरवा विचारवंत डॉक्टर एम एम कलबुर्गीना पण गोळ्या घातल्या. त्यांचा ही विचार समाजाला घातक होता म्हणे. गोळ्या खूप आहेत आणि टार्गेट ही... त्यामुळे हे कधी थांबणार , मारेकरी कधी पकडले जाणार वगैरे प्रश्न आता मला पडत नाहीत. बाकीच्यांची का पडतायत हे ही एक कोडंच आहे. खरं तर टार्गेट न संपणे हा एक प्रकारे दाभोलकर- पानसरे- कलबुर्गींच्या विचारांचा विजयच आहे. गांधी मारल्यानंतर पण टार्गेट संपले नाहीत हा पण गांधीचा विजयच आहे... तसं अगदी. विवेकवादी नेत्यांना अशा पद्धतीने मृत्यू येणं हे सभ्य समाजाला साजेसं नाही. सत्ता कुणाचीही असो. असे प्रकार घडत असतात. काँग्रेस- राष्ट्रवादी काँग्रेसच्या कार्यकालात दाभोलकरांचा खून होतो आणि भारतीय जनता पक्षाच्या कालखंडात पानसरेंना संपवलं जा...

नरेंद्र दाभोलकरांची हत्या कोणी केली, हा प्रश्न ज्याच्या त्याच्या तोंडी आहे. सध्या सरकारही ह्या प्रश्नाचं उत्तर शोधतंय. विवेकवादी चळवळही पुन्हा एकदा आत डोकावून शोधायला लागलीय... एकमेकांना हाक देऊन जागवायला लागलीय.... असं काही घडलं की सारे एकत्र येतात.. पुन्हा लढायच्या आणा-भाका घेतात..बस्स... दाभोलकरांची हत्या झाल्यानंतर अनेक प्रश्न निर्माण झाले.. कोणी मारलं असेल.. दाभोलकरांना जे लोक जवळून ओळखायचे त्यांचा तर ह्या घटनेवर-दुर्घटनेवर विश्वासच बसला नाही..एक माणूस जो सतत कुठेही डोक्याचा पारा न चढवता अंधश्रद्धा विरोधी काम करतो.. अनिष्ट प्रथांना आव्हान देतो.. लोकांच्या मनातले गैरसमज दूर करतो.. कुठेही आक्रस्ताळे पणा नाही.. आरडा ओरडा नाही.. अशा माणसाला कोण आणि कशाला मारू शकेल...पण त्यांना डोक्यात गोळी मारून दोघा बाईकस्वारांनी मारलं... कदाचित मारेकरी दाभोलकरांचा सामना करायला घाबरले असावेत म्हणून त्यांनी मागून गोळी मारली.. दाभोलकरांच्या हत्येनंतर खडबडून जागं होत सरकारनं जादूटोणा विरोधी अध्यादेश काढला.. अब्रू झाकण्याचा केविलवाणा प्रयत्न.. पण त्यानंतर दाभोलकरांची वेगवेगळ्य़ा स्तरावर हत्या करण्या...